Bharat pal-pal 'roya' hai

I wrote this poem some four-five years back. I've tried to mention how India is suffering from several problems like corruption, illiteracy etc. And I hope you'd like this poem that I wrote when I was in 11th standard. IT was published in Dainik Tribune....SO here it is.....

Aazaad bhale hi ho gya,

Par gehri neend mein so gya...

Sone ki pyaari chidiyako,

Bhrasht mantriyon ne nochliya...

Aise bhrasht netaon ne bharat ke,

Sammaan ko duboyaa hai...

Bharat Pal-Pal Roya hai...

Pyar-Mohabbat ki baatein jahan,

Mann ko moh liya karti thi…

Jahan desh ki shaan bachaane ko,

Striyaan bhi khushi se marti thi…

Chir-Sajag rehne waala kyu ab,

Gehri neend mein soya hai…

Bharat Pal-Pal Roya Hai…

Jiski bhoomi ki godi mein,

Heere-Sone ki khaanein thi…

Jahan desh bachaane ki khaatir,

Yahan Laakhon haazir jaanein thi…

Arbon –Kharbon ke maalik ne,

Kya khoya hai, Kya paya hai…

                        Bharat Pal-Pal Roya Hai…

Jis Bharat desh ki bhoomi par,

Tha veeron ne avtar lia…

Jahan ‘Bhagat’ se veer purush ne tha,

Partantartaa ko maar dia…

Us shaan ko ooncha rakhne ka,

Hamne sapna sanjoya hai…

Par…..

            Bharat Pal-Pal Roya Hai…

                                                -Gautam Joshi